Локална самоуправа
ПРИЛЕП
ИСТОРИЈАТ
Сите права се задржани ЈОУ Градска библиотека "Борка Талески" Прилеп
ОРГАНИЗАЦИОНА СТРУКТУРА НА БИБЛИОТЕКАТА
СЕКТОР КОМПЛЕТИРАЊЕ НА БИБЛИОТЕЧЕН МАТЕРИЈАЛ
- Одделение за комплетирање и техничка обработка на библиотечен материјал
- Одделение за меѓубиблиотечна размена на публикации
СЕКТОР ЗА СТРУЧНА ОБРАБОТКА НА МОНОГРАФСКИ И ПЕРИОДИЧНИ ПУБЛИКАЦИИ
- Одделение за стручна обработка на монографски публикации
- Одделение за стручна обработка на детска литература
- Одделение за стручна обработка на периодични публикации
СЕКТОР ЗА БИБЛИОГРАФСКО - БИБЛИОТЕЧНИ ИНФОРАЦИИ
- Одделение за библиографии
- информативна служба
СЕКТОР ЗА ПРИМОИЗДАВАЊЕ - БИБЛИОТЕЧНИ УСЛУГИ
- Одделение за позајмување и услуга за возрасни
- Одделение за позајмување и услуга за деца
- Одделение за позајмување и услуга во клоновите на библиотеката
СЕКТОР ЗА ПОСЕБНИ КНИЖНИ ФОНДОВИ
- Одделение "Роднокрајна збирка и ракописи"
- Одделение "Странска литература"
- Одделение "Дробен печат"
- Одделение "Раритетна и Референтна збирка"
СЕКТОР ПОПУЛАРИЗАЦИЈА И УНАПРЕДУВАЊЕ НА БИБЛИОТЕКАРСТВОТО
- Одделение за популаризација на книгата
- Одделение за развој на библиотекарството и автоматизација на библиотечните
процеси
СЕКТОР ЗА ЗАШТИТА И РЕПРОГРАФИЈА
- Одделение за заштите и репрографија на библиотечен фонд
- Одделение за фотокопирање
СЕКТОР ОПШТИ СЛУЖБИ
- Организационо - административно одделение
- Одделение за техничко одржување и обезбедување на објектот
Дел од средновековен запис од
Манастирот " Трескавец " - Прилепско
Текстот е посветен на Св. Богородица
Прилеп во втората деценија на 20-иот век.
Објектот лево е читалиштето "Надежда"
Во Прилеп библиотечното дело датира уште од времето на
Јордан Хаџи Константинов - Џинот, односно од 1858 година,
кога е основано читалиштето " Надежда".
Во текот на годините, тоа читалиште е повеќе пати затворано
и повторно обновувано.
Благослови од од Прилеп
запишани од Марко Цепенков
Подоцна се отворени и други читалишта, како што е
читалиштето кај “Чакмак одаја” во 1920 година, исклучиво
со напредна литература, а членувале напредни прилепчани,
и интелектуалци .
Во третата деценија на 20 век формирана е и
" Народна библиотека "во состав на " Народниот дом "
Освен оваа, постоеле и неколку други библиотеки, од кои
некои биле илегални а членови и набавувачи на литература
биле млади прилепски патриоти.
Во 1941 година и Македонија (во составот на тогашна Кралска
Југославија) ја зафати виорот на војната.
Бугарските окупаторски власти во Прилеп се обиделе да
воспостават своја власт врз читалиштето Надежда, и притоа
организирале народен собир. На собирот, одржан
во јуни 1941год, бугарските службеници,
предложиле свои приврзаници кои ќе работат и ќе раководат
со читалиштето. На ова прилепчани бурно и бунтовно реагирале
несогласувајќи се со таквиот бугарски предлог. Прилепчани
барале сами да си го раководат читалиштето.
БОРКА ТАЛЕСКИ
19 јули 1921 - 2 март 1942
Народен херој на Македонија.
Роден на во с.Плетвар, Прилепско.
Македонски патриот,
студент по медицина, револуционер
и непосреден организатор на востанието
против окупаторите на
11 октомври 1941 година.
Загинал во родното село Плетвар.
На овој настан пред насобраните народ говор одржал
младиот патриот, студент по медицина, Борка Талески.
Тој побарал, читалиштето да се преименува во " Гоце Делчев "
и сите од раководството на библиотеката да бидат прилепчани
и " овдешни луѓе ".
Токму поради ваквата борба и заложување на Борка Талески
во својот град, библиотеката денес го носи неговото име.
Вистинскиот развоен пат библиотекарството во Прилеп
го доживува по завршувањето на војната.
Создавањето на сопствена Македонска држава
како рамноправна единица во рамките на федерацијата,
овозможи слободна употреба на македонскиот јазик,
а со тоа и развој на литературното творештво
и библиотекарската дејност.
Веќе на 7 јуни 1945 год. Владата на
Народна Република Македонија, по предлог на
Комисијата за јазик и правопис при
Министерството за народна просвета,
донесе решение за правописот на македонскиот јазик.
Оригиналниот изглед на корицата на
Македонскиот правопис
Прв пишан документ од кој се дознава дека е
формирана библиотеката е едно писмо на
управата на библиотеката, потпишано од
управителот Димче Најчески, упатено до
Околискиот просветен одбор.
Во писмото, меѓу другото, пишува :
"...Другари, после ослободувањето на нашиот
град, беше отворено Градско народно
читалиште. По иницијатива на неколку другари.
Се собра извесен број на книги, и истото почна
редовно да работи."
Подолу во истото писмо пишува :
"...Управата на Градската библиотека
и читалиште "Борка Талески" наскоро
ќе преземе една акција за собирање
на доброволен прилог како и книги... "
Бидејќи писмото е датирано од 22 октомври 1945 год. овој ден се смета како ден на основањето на
Градската библиотека " Борка Талески "
Во прво време библиотеката била сместена
во просторија од некој објект зад народниот магацин
(старата стоковна куќа) " НА - МА " и располагала
со околу 1000 книги и неколку весници.
Подоцна е преместена во поранешната
кафеана на Солета, а некаде во мај 1946 год.
библиотеката е преместена наспроти градското
пазариште.
Еден од основачите и прв управител на
библиотеката по ослободувањето е
Д-р Димче Најчески.
Куќата наспроти градското пазариште
каде што била сместена библиотеката
Роден е во Прилеп во 1925 год. Во родниот
град завршува гимназија, и уште како
гимназијалец е еден од основачите на
библиотеката " Борка Талески "
Дипломирал на Филозофскиот
факултет во Скопје во 1952 год, на
групата Македонски јазик и литература,
а во 1976 год. докторира
на истиот универзитет.
Во 1951 год. во Прилеп е формиран " Културен дом ", па библиотеката влегува во
неговиот состав. Тогаш библиотеката е преместена во просториите на културниот дом.
Во 1953 година се вработува првиот
библиотекар со завршено средно
библотекарско училиште,
г-дин Димче Атанасоски, кој врши
стручна обработка на книжните фондови
по тогашните библиотекарски правила.
Библиотеката веќе почнува да
функционира како вистинска културна
институција, во која се создадени и првите
информативни каталози и билтени.
Веќе во 1955 година, се одделува од
Културниот дом и работи како самостојна
културно-образовна институција, под името
Градска библиотека “Борка Талески” .
Библиотеката во составот на
културниот дом
( во објектот кај киното )
Во 1961 година е прместена во подобри простории во куќата на доктор Шајкар,
зад Градските кина и добива статус на Матична бибиотека за подрачјето на
Општина Прилеп.Со тоа Библиотеката е исправена пред нови предизвици,
имено таа е задолжена да се грижи за развојната политика на библиотечната
дејност во Општината и да дава стручна помош на сите библиотекари во училишните и специјалните библиотеки.
Библиотеката во куќата на доктор Шајкар,
зад Градските кина
Во 1984 година на 11- Октомври- денот на востанието на Макдонскиот народ ,
Градската библиотека свечено ги пушта во употреба новите простории во
блокот " Ц " на Домот на културата “Марко Цепенков”, каде што условите
за проширување на културно-образовната дејност се поголеми. Се отвора игротека,
која ја посетуваат деца од предшколска возраст и се одржуваат курсеви
по англиски јазик.
Денес Градската библиотека представува најдемократска културна институција
која располага со книжен фонд од над 113.000 монографски публикции и со
над 2.500 комплетирани и укоричени дневни весници и списанија, референтна
литература, ракописи, документи, албуми, видео касети, Роднокрајна збирка,
Збирка на раритети, докторски и магистерски трудови, музикалии, плакати,
Збирка на странска литература и сл.
Библиотеката располага со читална за самостојно учење, читална за следење
на печатот и читална за студиско работење.
Во овој шестдецениски растеж Библиотеката беше и е своевиден Универзитет.
Таа во значителна мера влијае на оспособувањето на кадри. Нејзините богати
фондови ги користат голем број на читатели, и не само од општинава,
туку и пошироко, и нејзиното срце пулсира подеднакво, како за постојните
така и за потенцијалните корисници.
Млади читатели
Градоначалникот на Прилеп
Марјан Ристески во библиотеката
Дел од вработените во библиотеката
Повозрасни читатели
Сала за промоции и читална
во библиотеката
КОРИСНИ ВЕБ СТРАНИЦИ
Локална самоуправа
ПРИЛЕП
Министерство за култура
на
Република Македонија
Виртуелна библиотека на Македонија
Градска библиотека "Браќа Миладиновци" - Скопје
Библиотекарско друштво
на Македонија